民華餐廳

营业中

休息中

天时暑热，要煮饭好辛苦，饿底决定放饿底妈假，带佢出街食！饿底妈想食蒸饭&点心，饿底想食常餐，所以选择了民华！两样有齐！章鱼肉饼饭：肉饼圆碌碌铺满表面，好大块，几鲜味，有少少菇碎同马蹄，不用豉油已经好够味，饿底妈说个蒸饭既饭粒粒分明够干身，不错吃。金钱肚：软硬度刚好，容易咬，又唔会太腍，几有质素！凤爪：充满胶质，卖飞佛！沙爹牛肉通粉：牛肉松化，沙爹味浓，通粉细细粒容易食，来茶记必点！煎蛋烘多士：平时饿底钟意炒蛋，不过今日饿底妈落order要全熟蛋，好，又试下，估唔到蛋白又几滑㖞！全熟蛋黄都唔老，好OK！仲有多士，中间涂满牛油，香到呢。西多：同场加映西多！上次嚟食过，觉得唔错，呢度唔会炸得太油腻，有得选配炼奶/糖浆，间中邪恶一次啦！嘻嘻！