影片
更多
2012-07-14
63 浏览
今(14-7-2012 Sat)朝同男友起身又去食个早餐,男友话去Pokka,,我话唔好喇,又贵又要等,而佢又赶时间,去翠华姊妹店翠苑啦.入到去揾到位,我o地就要$26.00o既沙爹牛肉公仔面,配火腿煎蛋牛油方包,不过男友唔要煎蛋,亚姐就帮佢改要两片火腿,加$2.00要冻奶茶.我要$26.00o既罗宋汤锣丝粉配迷你牛油脆猪,要热阿华田.落完单后,好快,我o既罗宋汤锣丝粉同热阿华田到o黎,快到咁?之后男友o既所有o野都到齐,我影好相后准备开餐,至发觉我o既早餐得咁少o野咋咩?(虽然锣丝粉多o左牛腩)睇睇餐牌,啊,系有迷你牛油脆猪,记得佢o地未o黎先.之后见到o黎o紧o勒,又影埋相就开餐.我o既罗宋汤锣丝粉味道系酸酸辣辣,辣味系由tabasco发出,越食喉咙就越辣,锣丝粉好腍,系过腍,显然煮o左好耐,冇乜人叫叫个餐,而牛腩就唔够腍,我叫男友试,佢话罗宋汤合格,最后佢饮晒啲汤.不过我觉得都系o系宝石大厦执o左o个间金银岛o既罗宋汤o既味道好啲.迷你牛油脆猪,面o个层系够脆,不过我嫌佢太薄,牛油涂得仅仅够.而男友o既呢,我就食半件牛油方包,揭开睇,哗!牛油少到喊,只系薄薄咁涂一下,不如净系畀方
入到去揾到位,我o地就要$26.00o既沙爹牛肉公仔面,配火腿煎蛋牛油方包,不过男友唔要煎蛋,亚姐就帮佢改要两片火腿,加$2.00要冻奶茶.我要$26.00o既罗宋汤锣丝粉配迷你牛油脆猪,要热阿华田.
落完单后,好快,我o既罗宋汤锣丝粉同热阿华田到o黎,快到咁?之后男友o既所有o野都到齐,
我影好相后准备开餐,至发觉我o既早餐得咁少o野咋咩?(虽然锣丝粉多o左牛腩)睇睇餐牌,啊,系有迷你牛油脆猪,记得佢o地未o黎先.之后见到o黎o紧o勒,又影埋相就开餐.我o既罗宋汤锣丝粉味道系酸酸辣辣,辣味系由tabasco发出,越食喉咙就越辣,锣丝粉好腍,系过腍,显然煮o左好耐,冇乜人叫叫个餐,而牛腩就唔够腍,我叫男友试,佢话罗宋汤合格,最后佢饮晒啲汤.不过我觉得都系o系宝石大厦执o左o个间金银岛o既罗宋汤o既味道好啲.
迷你牛油脆猪,
面o个层系够脆,不过我嫌佢太薄,牛油涂得仅仅够.而男友o既呢,我就食半件牛油方包,揭开睇,哗!牛油少到喊,只系薄薄咁涂一下,不如净系畀方包算啦,男友呢个早餐整唔抵食,因为沙爹牛肉公仔面份量都系唔多.
服务:
我o地入到去,见剩返单人卡位,就想行去另一边,未行到去,有个男侍应话o个边冇晒位,OK冇问题,我o地行返o黎呢边,剩返o个张单人卡位同一张贴住收银o既六人枱,我o地就坐六人枱.有个女侍应走o黎叫我o地坐o个张单人卡位,我梗系唔肯,o个o度又迫又要嗅香味,真系啋佢都傻,佢要叫都应该叫一个人o黎o既客人啦.
坐低冇耐,只睇o左餐牌一次,亚姐就即刻走o黎问食咩o野?男友就快速决定叫o左,我话等等先.但亚姐又快速介绍罗宋汤锣丝粉,话酸酸甜甜几好食,咁我就决定要呢个.
外面不时落啲好密o既雨,客人走入o黎一般都唔会好似入商场咁,攞个胶袋入住啲遮,因为根本都唔会谂到茶餐厅会有.而有个客入到o黎就即冲入去,个女收银好恶咁叫佢攞个袋入住把遮.我心谂,使唔使咁恶呀?之后啲客人个个都系直入,但佢o既语气就好返好多喇.
亚姐密密咁收碟,我惊佢会连男友饮剩两啖o既冻奶茶都收埋,所以我都即刻伸手揸住个杯.
价钱:
睇返年头呢篇食评, http://www.openrice.com/restaurant/sr2.htm?shopid=37820啲早餐又加o左$1.00,而且今次o既牛油方包内o既牛油重少过上次,只系半年啫,分别就咁大?@.@”
张贴
