新廣南餐室

营业中

休息中

行过附近肚饿揾嘢食，见到间嘢，谂住下午茶无乜所谓，点知坐低后啲伙记爱理不理，千辛万苦叫个呀婶落单，等咗廿分钟，揾返个阿婶求佢同厨房沟通，点知佢“系未嚟，系咁㗎啦，隔离枱都系咁等啦！”跟住走咗。再等十分钟终于大架光临。唔好以为慢工出好嘢，碟贵刁简单食到“鬼X”！啲咁嘅炒埋一碟求其加个名简直垃圾！求其将啲废料塞落个肚走人，跟单价钱摆低34，点知收银话争三蚊，原来张单鬼鬼鼠有行蚊型字话加一。不如话加十啦，好过抢！我睇依间嘢系求死，各位啲钱如果执返嚟嘅兼有自虐狂就必会满足到要求。米以为间铺旧旧地好有怀旧feel，佢唯一令我谂起嘅系80年代，当时啲楼面唔忧做，钟意寸啲客，喺依度一定揾到依种感觉依间嘢出品嘅味道，服务同抵食度系零分（无零分唯有比一分），环境系残旧但都值两分，卫生值两分。有乜推介？点推呀？同你有仇咩！