瀛素食 (已結業)

同一位同事择日嚟试吓公司附近嘅素食餐厅。12点半入去已经有五乘坐满客。决定叫一份「烧汁烤鳗鱼烩饭」同埋「黑椒翠肉瓜炒牛柳烩饭」同我同事share食。其实本人最热切期待饮佢跟餐嘅素炖汤。平时散叫一盅都要$30！！今日嘅汤系粟米红萝卜莲藕，唔知仲有无其他料。先讲「烧汁烤鳗鱼烩饭」，佢系大碗上，配菜有炒椰菜什菜同粟米粒。个汁都几野味。味道整体上都唔错，但唯独比较失色嘅系粟米粒，粒粒都缩哂水卖相唔靓之余口感都唔太好。所以我下次会要求走粟米！至于「黑椒翠肉瓜炒牛柳烩饭」，佢个汁料味道偏浓，本人觉得重味咗d。白饭又略带干。