22 Branch Oyster Bar & Restaurant (已結業)

作为住附近嘅街坊，我久不久就会去帮衬。之前食开都满意，所以一直有回头。今日去到想试下之前无试过嘅嘢，所以叫左beef burger, 谂住呢啲classic 又basic嘅菜，对西餐厅嚟讲应该稳阵啦？！结果都出事😪首先上到嚟，个包点解无夹到芝士架呢？系漏左？定其实系我要另外叫架？beef burger无芝士，我第一次见，可能是我孤漏寡闻唔识嘢。然后咬落去食，都够湿够juicy的，但系，点解无咩味？咸味都无嘅，有无调味？再食落去，旧肉好生噃！我叫左七成架噃，食到去中间，发现旧肉只是个边熟，中间是全生肉嚟，唔得喇，虽然好肚饿，但burger旧肉咁生我真是食唔惯。同侍应反映，佢查单后话佢哋有写低是七成，可以再整过畀我。我问佢，咁样叫唔叫七成？侍应无答，我都知唔好为难佢，于是话埋单了，唔洗再整过，但叫佢拎返畀厨房睇。我唔想被误会是嚟占人便宜，亦唔想再食呢个包，真心难食。最后食薯条塞满个胃就走。过百蚊埋单，唔系食唔起，而是好失望。那种塞饱左个肚但是唔满足嘅心情，真是贴钱买难受😣。