匠山

营业中

休息中

马鞍山成日都俾人话系美食沙漠，但系其实都有啲用心做嘅小店。早排去咗呢间日本菜，有少少居酒屋感觉但又好似喺屋企咁。最重要系呢度唔使+1服务费！生日都特别豁免切饼费～汁煮冻鲍鱼 呢个系熟鲍鱼冻食，用咗日式酱汁腌制，食落有少少酒香，切片上，好好味。睇个样应该有三只鲍鱼，呢个几抵食！软壳蟹米纸卷呢个好有惊喜，外面系越南米纸，入面系包青瓜丝，我本身唔食青瓜都觉得好好食，感觉好清爽，加埋软壳蟹同卜卜脆嘅飞鱼籽，口感一流。匠山特上刺身饭刺身份量好多，有三文鱼、油甘鱼、吞拿鱼、帆立贝、仲有只甜虾，食得出好新鲜，全部都大大片，一啲都唔孤寒。左口鱼裙边火炙寿司左口鱼劲多油，火烧完之后渗晒落啲饭度，正帆立贝火炙寿司帆立贝真系好大粒，对半切都劲厚！鹅肝寿司呢件系贪得意叫嘅，但一啲都唔差，鹅肝煎得好脆，食落去又香爆出嚟，加埋酱汁好好食。仲叫咗两全鸡肉串烧同埋炸鱿鱼须，呢度啲食物质素全部都有保证，冇一样伏，呢间有Sake 及 生啤饮，嚟开马鞍山又想饮两杯真系可以试吓！