新大壽日本料理店 (已結業)

想食餐好o既為太太提升正能力，於是搵咗呢間食評唔錯o既日本老店。冇乜裝潢，但招呼幾親切。太太叫咗個海膽魚生飯套餐、我就叫咗個日式便當。便當先到，睇落幾豐富~~醬汁茄子，唔咸又入味，唔錯。魚生：三文魚冇乜特別，唔算肥美。另一種不知名o既魚生就比較煙韌，好味啲。沙律，醬太多味較濃，食少少還可以。金菇肥牛有啲驚喜，肉味濃郁，金菇亦爽口。銀雪魚夠肥夠滑，冇特別但味道合格有餘。太太話以香港水準嚟講，啲海膽算好食。我要求比較低，响香港食到唔苦已經俾合格，呢度可以俾80分魚生飯o既三文魚味道、質地好啲，整體新鮮好味。餐飲配咖啡有啲怪，咖啡偏淡，味道一般。午餐價錢只係別府咁o既級數，如果以此為標準，咁味道就值一個笑笑臉喇！