影片
更多
2005-09-21
19 浏览
近半年食左十几次，o系九龙城泰国菜黎讲算又平又抵食，大部份菜式价钱都系介乎廿零到四十零蚊左右，装修简单（或者叫简陋会贴切Ｄ），好在仲有冷气凉下，胶椅折台，14" 细电视，香港客人多就睇亚视，泰国客人多就播泰国既录影带，环境系点大家心中有数，酸辣冇骨凤爪做头盘十分醒胃，烧烤原本系佢强项，可惜由生烧到熟太过花时间，所以好多时都系先烧半熟再烧返热就上台，牛、猪、鸡都大大串，味道OK，一个人食三、四串可以当一餐晏，沙爹酱都唔错，即场热食几正，外卖冻左味道会大打折扣，烧鸡亦如下面位食家所言，用既系雪藏货，主要靠个泰式腌料，腌得够时间，唔驶酱汁都好好味，时间唔够就唯有靠酱汁搭够，水准唔稳定，反而烧猪颈肉就次次都咁正，包冇介绍错，黑胡椒炒海鲜或者炒田鸡都好香口，可惜份量少，炒椰芯视乎来货够唔够嫩口，食蒜蓉炒菜苗质素较有保证，另外湿炒河粉同泰式炒饭都系一个唔错既选择，椰青较老同唔够冻，芒果沙冰或者青柠梳打反而清清地o岩晒食泰国野用黎中和下Ｄ辣味。表面上泰式烤王唔够对家小曼谷咁多人栋晒o系门口排队，不过我相信问题在于呢度冇咁好坐，同埋大部份系熟客，食饱自动自觉让返张台出黎俾下一台，因为次次我去到一冇台Ｄ
表面上泰式烤王唔够对家小曼谷咁多人栋晒o系门口排队，不过我相信问题在于呢度冇咁好坐，同埋大部份系熟客，食饱自动自觉让返张台出黎俾下一台，因为次次我去到一冇台Ｄ人就自动自觉埋单，泰国客人比香港客人为多，相信会系几地道，上菜较慢，侍应全部泰国人，部份亦听得明广东话，落单冇乜问题，以价论货，算得上抵食之选。
张贴