巧手製作

营业中

休息中

唐记包点系短短几年间发展迅速，系香港开左好多分店，今日就帮衬佢集团旗下既「巧手制作」睇下有咩分别。包类款式同唐记包点大致一样，但胜在有其他食品系唐记包点无既，例如多咗手工肠粉、肉夹馍、瓦煲蒸饭，甚至连粥都有埋，对消费者黎讲几好，多啲选择起码唔会咁快食厌，叫咗秘制叉烧肠、咖喱牛筋腩饭、黑芝麻豆浆。秘制叉烧肠 ($19) : 肠粉皮够薄之剩重有劲多叉烧馅，而且重系即叫即整。咖喱牛筋腩饭 ($29) : 咖喱香浓之剩带点辣相当惹味，牛筋牛腩份量合理，而且炆得软腍入味。黑芝麻豆浆 ($9) : 自家出品既黑芝麻豆浆，虽然无其他牌子出嘅黑芝麻豆浆咁甜，但相对健康啲。