影片
更多
2017-08-26
6936 浏览
我本身就未食过呢间Beerliner，但听朋友介绍过，话午饭同晚餐都几抵食，有时亦有做买一送一嘅优惠，而且份量都几大。早前喺fb见到呢间餐厅推广，见佢地有下午茶tea set，见推广就写住$168/2位，第二set仲要再半价，计番如果四位食，平均70零蚊唔洗就可以叹个tea连埋饮品，几吸引，于是谂住约几个朋友黎食。但无奈有两位一直未有时间，最终我同一位朋友二人成行提早一日打过黎话想预约，因为怕周六人多，但店员回覆，两点半嘅名额已满，提议我可以两点三左右walk in等位，佢地大部分座位都系留俾walk in嘅客人。于是我当日两点钟就去到餐厅门口，睇睇环境如何。当时两点钟，餐厅门外就冇人等位，但店内食午餐嘅人都颇多。我问一问门外带位嘅职员，下午茶系点安排，要攞飞吗。该职员同我讲：「下午茶系2:30pm开始，或者你两点三黎到都可以入去先嘅。」听到你咁讲，我当然系行左一个圈，2:15pm番到餐厅门口，然后我又问佢，下午茶系咪都可以入去先？唔知系咪因为当时都仲有唔少午市嘅客人喺入面定点，事隔15分钟，佢居然又同我讲：「下午茶系两点半先开始。」小姐你玩野吗？最终我同朋友再行一圈，2:30pm准时
听到你咁讲，我当然系行左一个圈，2:15pm番到餐厅门口，然后我又问佢，下午茶系咪都可以入去先？
唔知系咪因为当时都仲有唔少午市嘅客人喺入面定点，事隔15分钟，佢居然又同我讲：「下午茶系两点半先开始。」小姐你玩野吗？
最终我同朋友再行一圈，2:30pm准时入座，而目测食呢个下午茶嘅人系唔多，所以我觉得即使系两点半walk in都冇问题，唔需要预早时间去到。
餐厅门外嘅餐牌，系并冇列出【第二set可享半价】，未知系咪因为咁，大部分人都系两位进食，客人未必知道呢个优惠。
入座起计90分钟，坐低不久，我地就即刻落单，以免要等太耐。大概10分钟，下午茶上枱，卖相都同图片有7成似，当然图片系靓啲、精致啲。
悠闲三重奏 下午茶套餐 $168/2位，包两杯主餐牌饮品 (另收加一) 供应时间：2:30-5:00pm
悠闲三重奏 下午茶套餐
$168
137 浏览
0 赞好
0 留言
顶层：芝士蕃茄酱薄饼
图片中嘅薄饼系方型，实物系圆形。薄饼十分之薄，虽然唔系好脆，但都未至于系淋哂，可以接受
芝士蕃茄酱薄饼
102 浏览
0 赞好
0 留言
中层：菠菜蘑菇挞、烟三文鱼伴黑麦包、脆炸芝士肉丸、焗芝士猪柳汉堡包
呢层嘅质素都算正常，起码冇难食嘅野，不过食tea最惨就系遇著啲野冻哂，唔要求新鲜热辣啦，要应付咁多人流，如果暖暖地都好。
菠菜蘑菇挞挞皮少少硬身烟三文鱼黑麦包普普通通，黑麦包比较薄同黏身，口感一般；焗芝士猪柳汉堡系每人半份，猪柳薄到似火腿，不过成个包嘅味道食落系比想像中好。而当中最好食系脆炸芝士肉丸，首先食落仲系暖影地，外皮炸得好脆，炸浆唔厚，里面仲有流心芝士效果，全set最好食系呢粒肉丸
菠菜蘑菇挞、烟三文鱼伴黑麦包、脆炸芝士肉丸、焗芝士猪柳汉堡包
85 浏览
0 赞好
0 留言
菠菜蘑菇挞、烟三文鱼伴黑麦包、脆炸芝士肉丸、焗芝士猪柳汉堡包
79 浏览
0 赞好
0 留言
脆炸芝士肉丸
31 浏览
0 赞好
0 留言
焗芝士猪柳汉堡包
30 浏览
0 赞好
0 留言
底层：田园杂莓挞、蜜糖香橙窝夫、朱古力泡芙、德式芝士饼、热情果奶冻
杂莓挞都系正常水平；香橙窝夫因为一早整定，预期之中系腍身，面头有少少香橙酱，酸酸地都唔会滞。
朱古力泡芙好难食，太干硬而且冇乜朱古力味；芝士饼太细件，食之无味，弃之可惜。
热情果奶冻，个人几钟意，酸酸甜甜，奶味都几浓，不过朋友唔钟意热情果味，就俾埋我食。
田园杂莓挞、蜜糖香橙窝夫、朱古力泡芙、德式芝士饼、热情果奶冻
80 浏览
0 赞好
0 留言
下午茶餐包埋主餐牌饮品两杯，唔洗加钱，都算几大方，因为单点都五十几蚊杯 (笑)。
honeymoon、coconut mint cooler
朋友点嘅homeymoon系混合苹果汁、橙汁、蜜糖、水蜜桃粒及梳打水制成，味道正常，唔会太甜。
我点嘅系椰子水、青瓜、薄荷青柠汁，预期之中清新到不得之了，仲有啲似漱口水嘅味…
honeymoon
80 浏览
0 赞好
0 留言
honeymoon、coconut mint cooler
28 浏览
0 赞好
0 留言
整体黎讲，tea set嘅质素符合价钱，加埋一，人均90蚊，如果有四个人食当然平好多啦。
屯门店环境一般，枱櫈比较密麻，平日可能客人冇咁多会好啲，周六其实都几嘈，只可以当食个平民下午茶。
餐牌：
张贴
