素一 (已結業)

现时嘅素食餐厅除左标榜健康之外，斋菜款式国际化，例如，日式斋刺身、中式素食生炒骨、西式素食薄饼等等，都系新派素食之一，吸引左唔少年轻一族，让素食文化愈趋年轻化，近年好多餐厅都推岀素食自助餐，不过款式同种类未必多元化。不过，呢间位于铜锣湾嘅素一，有六十款菜式仼你食，星期一至五晚市$168，假日都只系$188，系我食过最多选择又平嘅素食自助餐。甫入餐厅，灯光火著、座位寛阔，有沙发椅提供，餐厅环境舒适，已经相比其他素食自助餐优胜一点！除左自助区嘅食物，每枱客人均有一碟素食咕噜骨，及每人一盅姬松茸冬虫花粟米炖汤。酸酸甜甜嘅冰镇咕噜骨，卖相同真嘅无差别，而冬虫草炖斋汤几鲜甜，第一次饮炖斋汤好似饮紧肉汤咁嘅味道。食完餐厅送嘅一𩠌一汤，就开始自助餐仼食啦！首先中式斋菜，有豆香味丰富嘅豆腐鱼入口即融、重口味嘅斋卤味、上海烤麸，还有各式各样嘅中式点心等等。而西式嘅斋菜，当然有我最爱嘅素菜薄饼啦，静系芝士，蕃茄，素火腿已经够晒惹味，仲有香草焗法包，清新开胃嘅杂菜沙律，及印度串烧。而令我最推荐嘅一定系日式素食，话晒香港人都系崇日份子，呢度嘅日式素食种类都比较多，啱晒香港人口味！素三文鱼、赤虾、鳗鱼各款都有寿