薩莉亞意式餐廳 (逸峰廣場)

营业中

休息中

逢星期一至星期日都会好多人等位， 所以一定要预早少少去拎位，系粉岭区都算多人去食既餐厅，以间餐厅一直以为系外国引进，上网搜寻资料，先知原来系日本引进香港。餐牌有好多唔同种类选择，有沙律，意粉，浓汤，前菜，薄饼，意大利饭，烤焗类，扒类，甜品，而饮品成人只需加$12就可以，小童就加8蚊，有热饮同冻饮，唔惊小朋友唔岩饮，任饮系自助式。每一次黎到我地3个人点了2个意粉，3个小食就够饱啦！野菌忌廉意大利粉$29意大利粉都算多同大份，如果唔够可以自己再加多d 芝士粉，不过不失菠菜烟肉辣汁香蒜意利粉$29辣味少辣，好重香蒜味，每次老公黎都会点。脆焗香味鸡球$24热辣辣，岩岩焗起，鸡球唔鞋，点埋沙律酱个味就会唔太单调香脆芝士三文鱼块$19有4件，有面好多芝士同三文鱼。蒜蓉焗田螺$28好香蒜蓉味，蒜蓉入面有牛油，好香好香，田螺一定要连埋蒜蓉食。