影片
更多
2024-12-15
788 浏览
睇完上一篇食评本身都有啲担心，因为自己同朋友都系睇完IG广告所嚟试，好彩嘅系无想像中咁差😂以前仲系校长烧肉时食过，啲烧肉腌味就真系同一只味，其他已经无记忆。今次单纯嚟食鸡煲打边炉。老实个幸福轮盘真系好阻订😂个盘系转得但根本唔会转，摆食物啲碟唔系统一size，亦唔系刚好陷落个轨度会突出嚟，一转根本就会扫跌个轮两边两个位啲碗😂全晚我哋个轮系无转过。4人送嘅个杯水果茶，即系杂果宾治，可能太耐无饮过呢啲饮品，又觉得几好味，又唔系好甜，都ok嘅，不过真系好大杯又多冰，饮唔哂😂至于食物，一开始送个个点心拼盘就麻麻地。包类都唔太得，太厚面粉，烧卖正常但暖嘅，之后再叫咗两次烧卖，第一次都系暖嘅，第二次就同第一次虾饺就够热了。👍🏻但个炸馒头唔知点解炸到入面系硬嘅，雪咗好耐？个鸡都正常嘅，但唔知系咪只鸡偏细所以份量唔系话好多，打边炉啲料都正正常常。第一次叫个啲就嚟唔够数，第二次嚟嘅就足数了。同埋肥牛的确系轮盘上面个碟(相中个碟)叫靓仔啲，之后嚟嘅都系普通肥牛，但又唔系太差，都新鲜嘅。蟹柳ok但狮子狗太粉，腌萝卜好食😂呢餐$200唔使，我觉得对得住个价先，唔期望佢好好，但亦未至于去到太差嘅地步，有时唔想一食
以前仲系校长烧肉时食过，啲烧肉腌味就真系同一只味，其他已经无记忆。
今次单纯嚟食鸡煲打边炉。
老实个幸福轮盘真系好阻订😂个盘系转得但根本唔会转，摆食物啲碟唔系统一size，亦唔系刚好陷落个轨度会突出嚟，一转根本就会扫跌个轮两边两个位啲碗😂全晚我哋个轮系无转过。
4人送嘅个杯水果茶，即系杂果宾治，可能太耐无饮过呢啲饮品，又觉得几好味，又唔系好甜，都ok嘅，不过真系好大杯又多冰，饮唔哂😂
至于食物，一开始送个个点心拼盘就麻麻地。包类都唔太得，太厚面粉，烧卖正常但暖嘅，之后再叫咗两次烧卖，第一次都系暖嘅，第二次就同第一次虾饺就够热了。👍🏻
但个炸馒头唔知点解炸到入面系硬嘅，雪咗好耐？
个鸡都正常嘅，但唔知系咪只鸡偏细所以份量唔系话好多，打边炉啲料都正正常常。
第一次叫个啲就嚟唔够数，第二次嚟嘅就足数了。同埋肥牛的确系轮盘上面个碟(相中个碟)叫靓仔啲，之后嚟嘅都系普通肥牛，但又唔系太差，都新鲜嘅。蟹柳ok但狮子狗太粉，腌萝卜好食😂
呢餐$200唔使，我觉得对得住个价先，唔期望佢好好，但亦未至于去到太差嘅地步，有时唔想一食鸡煲边炉都比成3百几蚊，但又想过下口瘾又有个地方坐下倾计嘅，呢度都不失为一个选择嘅。
我自己今次同朋友嚟嘅感想就系，对得住个价钱又唔系话真系太差，至少食完唔系觉得连$200都蚀咗比佢。但我地只系鸡煲+边炉，烧肉刺身其他熟食完全无试到，所以不作个啲嘅评论。
张贴
