影片
更多
2013-07-22
1295 浏览
看完开饭的那些年特辑，想起好耐无去过明将，有啲怀念以前坐系明将食到饱嘅日子，一于黎食下先。去到旺角店，超多人，去左行阵街先返黎等位，大概等左四十分钟先有位。加价加到五十三蚊，比例算少，但而加有个半钟时限，其食要食饱，个半钟够哂嘅。餐具，寿司碟，盖等，一如以往都系黏立立嘅，店员都系ok串嘅，不过黎得明将，你又期望啲咩呢？基本上唔难食，寿司带都清得几快，唔太担心话隔左好耐。但旧饭真系好差，无饭味都唔紧要，仲好烂，一旧劲黏口，仲要好大件认真难咽下。军舰紫菜已经软左，不过从无谂过会系新做。最爱佢嘅蛋沙律军舰，真系无估到沙律同寿司会夹。无左甜蛋寿司，变成左煎蛋饼（？），有几条蟹柳丝又几得意㖞。八爪鱼好硬，硬到咬唔开。鱿鱼（？）好腥，其他啲都ok。黑椒鳗鱼，卖相有惊喜，味道都系，鳗鱼汁加黑椒同葱又几正㖞。杂果沙律军舰，真系笑左，咁都做得寿司，虽然系咁，我几乎每次都会食。炸带子军舰同样好好笑，半边带子就咁放上去，咪系急冻带子嘅味啰。除左啲用具污糟啲之外，卖相都唔系好差啫。但最唔明系点解条带要摆到咁迫，转到咁上下就有一碟跌落黎。前面卡坐位小姐认真唔好彩，佢个手袋开左，碟寿司咁啱跌左入去，一袋都做鱼籽…
去到旺角店，超多人，去左行阵街先返黎等位，大概等左四十分钟先有位。
加价加到五十三蚊，比例算少，但而加有个半钟时限，其食要食饱，个半钟够哂嘅。
餐具，寿司碟，盖等，一如以往都系黏立立嘅，店员都系ok串嘅，不过黎得明将，你又期望啲咩呢？
基本上唔难食，寿司带都清得几快，唔太担心话隔左好耐。但旧饭真系好差，无饭味都唔紧要，仲好烂，一旧劲黏口，仲要好大件认真难咽下。
军舰紫菜已经软左，不过从无谂过会系新做。最爱佢嘅蛋沙律军舰，真系无估到沙律同寿司会夹。无左甜蛋寿司，变成左煎蛋饼（？），有几条蟹柳丝又几得意㖞。
八爪鱼好硬，硬到咬唔开。鱿鱼（？）好腥，其他啲都ok。
黑椒鳗鱼，卖相有惊喜，味道都系，鳗鱼汁加黑椒同葱又几正㖞。杂果沙律军舰，真系笑左，咁都做得寿司，虽然系咁，我几乎每次都会食。炸带子军舰同样好好笑，半边带子就咁放上去，咪系急冻带子嘅味啰。除左啲用具污糟啲之外，卖相都唔系好差啫。
但最唔明系点解条带要摆到咁迫，转到咁上下就有一碟跌落黎。前面卡坐位小姐认真唔好彩，佢个手袋开左，碟寿司咁啱跌左入去，一袋都做鱼籽……店员完全无清洁嘅意欲，纸巾都无比，净系叫比返只碟佢。
跌左好几次，好彩我同友人都连盖带碟接住，我得自己好似玩紧杂耍咁。
张贴
