360鮮迴轉壽司 (已結業)

正在烦恼晚餐吃什么时，撘车经过呢间鲜寿司，门口大大个牌写住碟碟九蚊，想谂咁嘅价钱试下亦无妨，于是就落车去食一下。好好彩啱啱有人走唔使等位，睇睇餐牌都几多款拣，而且真系好平。不过感觉麻麻，枱面用具未至于话垃塌，但唔叫得上干净啰。先来一碟三文鱼寿司，色水唔靓，唔太新鲜但还可以，唔难食，且饭重醋味我like。面豉汤，order左好耐都唔黎，一黎到竟然系冻嘅，好失望。唔知点解系甜嘅，有啲怀疑系咪糖盐调转左？失败作。八爪鱼寿司，卖相唔好没吃。螺片，鱿鱼寿司，鲜甜有口感，唔错。炸蚝卷，冻左过左气，不好吃。一系列嘅军舰，又系等左超耐，耐到老板自动帮我地追寿司师仔。无乜特别印象，不难吃也不称得上叫好吃，紫菜没有剪短，转了一圈后多出来的紫菜就系咁飞下飞下。整体上是ok的，这个价钱我收货了，但还有进步嘅空间，如自助的斟水位滚水唔够热，酸姜只有酸味同糖精味，用具可再清洁点啦。