牛極 (庇利金街) (已結業)

因为工作关系，有咩好野未食过，我够胆讲牛极食牛扒绝对系庶渣价钱烧鹅脾享受！出面食过好多烂系高级餐厅，d牛扒set 几百蚊一份都无呢到咁好食!.牛肉既选择非常多有 美国、纽西兰、澳洲、同日本。价钱都系由$80-$200左右。如果要食和牛都只系需$180就可以食到，相比出面食和牛既地方，呢到真系抵到烂！牛肩排($80/180g) 我就叫左个最平既牛肩排, 牛肉上枱既时候大概只有1成熟，大家可以根据自己喜好系>300度石板上自己煎到岩为止，如果旧石唔热，仲可以免费无限帮你加热返。牛肩系牛运动量较高既地方，油脂少，所以较为结实，有少少筋，但系就牛味非常浓郁，食落有咬口。追求牛味既你，就比较适合。牛柳($110/200g)相对牛肩，牛柳就系运动较少既地方，但系佢既特点系脂肪含量少同时又可以保持肉质软腍，不过牛味就相对牛肩就少一d，比较适合追求肉质既你！除左牛扒之外，大家可以随心自助咁出去任食沙律、珍珠米白饭同汤。沙律菜丝切得非常幼细，加埋车厘茄新鲜爽脆，仲有胡麻酱同柚子汁做dressing汤系用超大量牛肉煮成，配以番茄做点缀，牛味浓郁，番茄清新。