炎天丼 (已結業)

之前一直都有兴趣想试天妇罗丼饭，又见呢间舖有唔少好评，今日终于决定要去试试佢。海鲜天丼 $58呢个丼饭分量都唔细，炸物有流心蛋、菜心苗、茄子、莲藕、虎虾、鱿鱼及蟹柳棒。天妇罗炸得几出色，表面薄薄一层炸粉，食落都唔会好油。建议将流心鸡蛋同饭捞埋一齐食，会无咁干。炸莲藕好好食，口感脆脆哋仲带有甜味。比较特别嘅系有炸菜心苗，真系第一次食到。海鲜天妇罗配信州荞麦面 $56炎炎夏日最适合食荞麦面，捞埋酱汁一齐食，口感好清爽。椰菜花好有惊喜，好好味。唔会炸到好干身同埋好柴，可以保留到佢原有嘅味道。整体来讲，天妇罗嘅质素好高，呢个价钱都真系几抵食。