番茄18

营业中

休息中

经过荃湾附近，顺便约朋友食个午饭，由于佢系荃湾广场附近返工，所以就选择系呢头揾野食。最后拣左呢间番茄十八。朋友之前都试过话唔错。由于午市时间较多人，要同人夹枱。餐牌的种类多元化。适合不同口味的人仕，朋友依旧叫回以往食开既蚝仔泡饭，而我就试下药膳鸡汤米线。蚝仔泡饭的蚝仔数量都算多，而且只只饱满，个汤食得出重重的胡椒味，除了蚝仔外，仲有章鱼粒粒，不过章鱼粒粒偏硬。整体个味道都唔错。相反，药膳鸡汤米线我就觉得麻麻，内有一只鸡腿及两旧鸡件，不过鸡肉老身有点「鞋口」，食左几啖唔想再食D鸡了。个药膳汤还好，有好大阵当归味，而且有满满的党参等材料。不过食过一次就唔会再食。