牛扒先生 (青衣城1)

营业中

休息中

呢间之前伏过一次，今日屋企人话嚟就嚟啦。假日午市半自助餐$128起自助区有沙律、汤、甜品，全部都算正常嘅，但唔好期望好高质，毕竟百几蚊有自助区仲想点。沙律菜超市都要$2x一包啦。材料好多都系菜/罐头制品，味道无乜特别。甜品亦大部分都系行货，拎货拆袋就上得枱，所以味道都系普通。豆腐花写明系自制，但又唔觉特别滑，如果有姜汁就更好。主菜叫咗迷迭香烤鸡 $155无乜味，有啲鞋，特别鸡胸位都几柴。纽西兰青口忌廉汁意大利扁面 $128呢个反而几好，都有三粒青口，个汁又调得ok。总括而言，呢个价钱嚟讲算收货，想平平地食到半自助餐，或者想揾个地方同朋友舒服地吹下水，呢度都系唔错嘅选择。