川味美食

营业中

休息中

川味美食嘅分店都有好多，葵芳分店依間份量好多，每次都好足料。如果臨近糧尾或者掃完葵廣啲小食，又想醫醫肚，可以考慮依間川味美食，地點都幾方便，葵廣一出天橋行兩步就到。今次我叫咗豬軟骨配豬紅粗麵，味道選咗酸辣。川味最特色嘅餸係佢嘅豬軟骨，佢嘅豬軟骨幾淋幾入味，入邊有3-5舊，啖啖肉。川味嘅豬紅都好出色，好爽口彈牙！我最鍾意係佢嘅炸醬，佢嘅炸醬俾譚仔更加入味，真係食到有肉粒喺入邊除咗平時食慣的紅薯粉，其實粗麵都係一個唔錯嘅選擇，佢食落口感有啲似刀削麵，比較適合配搭川味嘅酸辣風味。整體好抵食好足料，又平又好味