8090 好時光 (已結業)

茨汁太重嘅肉燥飯，凍左就會結啫喱。 只有瘦肉，連半肥瘦都無。白飯加太多水去煮，結果變成一舊舊。好似小朋友食果d飯仔咁，而且用應該要用珍珠米。白烚菜無味，無咸味連麻油都無滴，好無誠意。雞扒算中規中矩，無乜太大特別，可以接受。再黎就係杯珍珠奶茶，珍珠過熟，變得好黏口，D珍珠就痴住哂，食落無口感，奶茶同甜度都尚可接受。仲有就配菜還算可以，但個青瓜唔夠新鮮，好似放左好耐咁，芽菜就幾好食。服務唔錯，面帶笑容，上餐時間又唔會太耐。