Kuru Kuru自家製手作意粉 (已結業)

今日一心谂住去商场楼上嘅Ikea添置屋企嘅家品，于是就去左商场楼下嘅食肆食。我地得两个人又唔系特别肚饿，于是去左食意粉。叫左一个餐，餐有沙律、餐汤仲有饮。沙律无咩特别，但系个餐汤感觉上就太稀了。咁岩有2个意粉做紧特价，于是叫左其中蕃茄蟹棒忌廉意粉。我相信个蟹盖同个蟹棒意粉系无咩关系嘅，个蟹盖异常地干净，而且个盖入面咩都无嘅。意粉嘅质地唔会太淋，有d咬口。最初我以为佢手作=人手造，睇完佢个menu发现佢又唔系完全系。不过唔紧要，意粉嘅口感系唔错嘅，酱汁嘅味道亦都岩岩好，好有和洋式餐厅嘅感觉。至于本菇明太子意粉，卖相无蕃茄蟹棒意粉咁吸睛，不过味道都唔错。本菇都算系几多，成个意粉嘅味道主要系来自明太子，少少辣几惹味。呢个都唔错。 另外见两个意粉都无咩菜加左个配料西兰花，上枱得一个碗仔咁细...下一次都系唔好再加。