Ricco (已結業)

最近长沙湾港铁站开咗间餐厅都几多嘢食，有日式、西式、牛角包、各式小食等，今日买外卖返屋企试下先。 仲有学生餐优惠，难怪平时咁多学生lunch过嚟帮衬。 椒盐花椒丸：好香口，佐酒小食绝对一流！ 吉列鸡中翼：有3款味，椒盐、孜鸡同辣味，我哋拣个椒盐，非常香脆可口。 日式咖哩汁蛋盖饭系列：拣咗个炸鸡脾蛋盖饭，一定要试呢个招牌生炸鸡脾，见到个鸡脾炸得咁靓，原来呢间系三多加盟店，如果钟意食鸡脾嘅朋友对呢个名一定唔会陌生。呢度嘅鸡髀系生炸，可以完全保留所有肉汁，肉质食落去亦会滑好多。 炸鸡脾非常香脆，蛋够滑，配埋日式咖喱汁一齐食非常美味。 卡邦尼慢煮温泉蛋鸡肉炒意粉：温泉蛋加入炒意粉，令成个意粉都好充满蛋汁，鸡肉嫩滑，意粉软硬度又适中。