C3

营业中

休息中

对系大西北揾食仍然好陌生，来来去去净系识几间，而且周末食饭时间揸车去元朗完全系测试运气😂不过都因为唔想煮饭所以出咗去🤪今次系社交平台group见到有鹅肝就去咗！6点几去到已经有7-8成入座，系呢个环境下都好唔简单。C3系平价西餐路线，食意粉同意大利饭，晚市最平$48已经有交易，真系仲想点！食物绝对对得住价钱。🍴龙虾汁蟹肉蟹子意大利饭$98（+鹅肝$45）🍴墨汁鱿鱼圈蟹子意粉$68前菜有蘑菇汤/南瓜汤+蒜茸多士，不过不失，主菜等得比较耐，因为得一个人煮，质素系收货嘅。无论饭面口感都刚刚好，有味得黎唔会死咸，又唔会食两啖就滞，可以轻松食完，呢样都系功力，唔系咁容易做到。我唔食鹅肝所以比唔到意见，不过同伴几满意，整体系我地会想返转头帮衬嘅餐厅。