瀧神日本料理 (已結業)

观塘骏业熟食中心有一间卖日式料理既小店，价钱非常亲民，有几款食物经openrice落单外卖自取仲有折添，啱晒附近既打工仔。 🍴温泉蛋鸡丝胡麻冷稻庭乌冬$40 胡麻酱同乌冬真系绝配，呢度既酱落得好足，够晒捞成碗乌冬，笃开温泉蛋，d蛋黄漏落乌冬度，令乌冬加添蛋香，更加creamy。鸡肉既份量亦算多，咁多个餐最钟意呢个👍 🍴炙烧三文鱼丼$56三文香表面轻轻烧过，唔会过火又加添左炙烧既香味，厚度足够好软嫩，表面落既烧汁又系另一款风味。 🍴日本黑豚吉列猪扒丼$54吉列猪扒够大块，而且炸得几好，肉唔会韧，仲有生菜同蕃茄可以解油腻。 如果堂食既话，柚子茶仲可以添饮，大食既又可以叫多饭。几十蚊既价钱食到日式料理，仲要又好味，非常满意架喇。