老掌櫃東北菜館 (已搬遷) 新店位置

一直都好钟意食片皮鸭，最近有朋友同我讲大角咀呢一间好出名，要预先订枱，先至有得食架。咁我就两星期前订咗枱，今日终于都有得食啦。由于系两个人嘅关系，叫咗一个小小嘅鸭，一份鸡丝粉皮，同一杯豆浆就已经好够。我最钟意嘅系啱啱新鲜热辣整出嚟嘅粉皮，𠮶种面粉嘅香同埋水蒸气嘅味道包住有油淋淋嘅鸭肉，加埋清新嘅青瓜同埋有少少辣劲嘅洋葱，再点埋啲酱汁，简直味道上嘅层次， 我谂唔到有边一种食物可以有咁丰富嘅味道，口感，俾人满足嘅感觉。你问我呢一度嘅片皮鸭系咪好特别，我又食唔出好特别， 但我都会话好好食，因为我好钟意食片皮鸭。至于，𠮶个鸡丝粉皮其实都系同喺街边食嘅差唔多，冇乜大分别。成餐来讲，其实价钱系重点，比起茶楼食，我觉得呢度有一种豪放，不拘小节的感觉，个份量都好大方。唯一一样要讲下嘅就系，啲枱嘅间隔好密，同埋个环境好嘈，如果要同朋友去倾计嘅话，要讲到好大声先至听到。