龍泉冰室 (已結業)

今日在九龙城学林轩收工，约左老公去间怀旧餐厅吃饭。老公嗌左纽西兰西冷牛扒意粉，配热奶茶，酱汁嗌番茄汁。牛扒好大一份，意粉量都好多，还点缀些沙律提味。牛扒牛肉味重，牛肉嫩滑，意粉烟烟韧韧，好弹牙。我嗌过桥米线，好大一海碗，配料猪润和高丽菜水饺分量多，我嗌左酸辣大辣，但辣度都唔够，就一点点辣。不过汤底都好味，分量又足，值得尝试。瑞士汁鸡全翼入味，鸡翼又嫩又大只。好久冇饮红豆冰，就升级嗌左红豆冰，不过红豆冰有点甜，唔痴甜啲可以叫少糖。价格合理，食物都不错。