花園餐廳 (金百利廣場)

营业中

休息中

难得星期五，但都要OT到八点几，同事话要食好d想锯扒，不如平平地去花园餐厅啦。叫左个鸡扒餐，始终夜妈妈唔想食太饱，所以拣左配薯菜。套餐包餐包，餐汤同饮品，点完菜无耐餐包同餐汤就到了。餐包上台时微暖，应该有用微波炉轻微翻热，餐汤可拣忌廉汤或罗宋汤，罗宋汤茄味浓，汤入面既菜煮得够淋，饮汤时唔会要咬好耐先吞到。饮完汤之后，主菜鸡扒就来了，因为避免薯条会越食越淋，所以无拣用铁板上。鸡扒煎得好香好软熟，用刀好轻易就切到，配埋洋葱黑椒汁，辣辣地好开胃。埋单一百蚊左右，肉质当然无得同名牌扒房比，但要平平地锯扒，呢度都算系一个唔错既选择。