富臨酒家 (已結業)

果日同同事谂住去吉吉打边炉啦， 点知吉吉居然无晒位，😩经过一番考虑我地决定转投富临嘅怀抱。🕺虽然系星期五晚，但去到都唔使等，即刻有位。👍一埋位就叫左个芫茜皮蛋汤底。芫茜味几香，但我地食食下就食晒啲芫茜，如果要加就要额外加钱。💸💸饮品同酱料自取，分量可以自己调节。叫左啲野一次过到左好多。肥牛好食，🐂一啲都唔老，同埋劲大方，一次已经上左好多，食到最后都唔使再加过肥牛，唔似某啲酒楼要加无限次单。蟹柳🦀好鲜甜，话咁快食完再叫多左round。龙虾丸好正！劲多蟹子，同埋弹牙得黎好松化。强烈推荐。墨丸🦑都系劲弹牙。而芝心丸🧀就同出面卖嘅唔同，系圆形嘅，细细粒，煮左之后就变到同平时一样大，里面啲芝士好流心，好正！👍👍其他仲叫左菜、炸鱼皮🐟、鱼皮饺、豆腐等。叫左生菜唔知点解变左西洋菜，分量大。炸鱼皮催左无限次先上，分量大，好食。鱼皮饺真心麻麻。豆腐叫左一份，比左成板我地，食极都食唔晒，味道麻麻。服务呢，认真麻麻，🙊野食呀、加汤呀，催极都唔黎。😡但有个姐姐对我地劲好，以上问题全部都系佢帮我地解决，仲成日会过黎问我地「啲野到齐未呀」，「gas就黎用晒啦，帮你攞支新嘅过黎啦」，「啲汤就黎无晒，帮你地加啲汤啦」