影片
更多
2022-11-24
135 浏览
沙田食嚟食去都系𠮶几间？食闷咗谭仔beans同三哥？今次fatpigs想推介一间平价台湾便当~等粮尾嘅大家都食到台湾野😋三杯蜜汁烤鸡排便当 $62餐厅系要喺出面嗌完先揾位，当日有一半空位，所以嗌完就有得坐。Fatpig嗌完之后都未坐定，便当就嚟到我面前。速度令人有啲惊讶🤔😅食落去所有嘢都系微温，令到我一开始就有少失望，鸡皮有小小脆但成块鸡扒唔热😌唔系𠮶啲超大块嘅鸡扒，不过份量适中，都切到五六旧。调味唔错，冇雪藏味，仲食到微微嘅蜜糖味。要赞嘅系店家keep到表面香脆，入边又可以保持嫩滑👍🏻配料方面，有炒粉丝、秋葵、粟米。炒粉丝味道单一偏油，主要都系豉油味，对于清淡型fatpig嚟讲几大负担，成口油咁🥲秋葵唔错，好少餐厅用秋葵做配菜，就系简简单单烚嘅秋葵😂不过唔系个个都食秋葵，好似唔够friendly。粟米一般货色，不过甜甜地可以balance吓便当嘅油腻~芙香苹果茶 随餐附送食便当会送一支支装嘅茶~ 虽然只系茶包，但小编同友人都觉得好好饮！唔甜但系有苹果味，好啱解腻！饮唔晒仲可以带走添！咁嘅价钱同质素都算系咁，如果你冇咩钱又想食吓台式便当嘅话，呢间嘢系几好嘅选择！不过餐厅就算堂食都用全即
沙田食嚟食去都系𠮶几间？食闷咗谭仔beans同三哥？今次fatpigs想推介一间平价台湾便当~等粮尾嘅大家都食到台湾野😋
三杯蜜汁烤鸡排便当 $62
餐厅系要喺出面嗌完先揾位，当日有一半空位，所以嗌完就有得坐。Fatpig嗌完之后都未坐定，便当就嚟到我面前。速度令人有啲惊讶🤔😅
食落去所有嘢都系微温，令到我一开始就有少失望，鸡皮有小小脆但成块鸡扒唔热😌唔系𠮶啲超大块嘅鸡扒，不过份量适中，都切到五六旧。调味唔错，冇雪藏味，仲食到微微嘅蜜糖味。要赞嘅系店家keep到表面香脆，入边又可以保持嫩滑👍🏻
配料方面，有炒粉丝、秋葵、粟米。炒粉丝味道单一偏油，主要都系豉油味，对于清淡型fatpig嚟讲几大负担，成口油咁🥲
秋葵唔错，好少餐厅用秋葵做配菜，就系简简单单烚嘅秋葵😂不过唔系个个都食秋葵，好似唔够friendly。
粟米一般货色，不过甜甜地可以balance吓便当嘅油腻~
芙香苹果茶 随餐附送
食便当会送一支支装嘅茶~ 虽然只系茶包，但小编同友人都觉得好好饮！唔甜但系有苹果味，好啱解腻！饮唔晒仲可以带走添！
咁嘅价钱同质素都算系咁，如果你冇咩钱又想食吓台式便当嘅话，呢间嘢系几好嘅选择！
不过餐厅就算堂食都用全即弃餐具🥲碗、餐具、樽都系即弃，令人感觉好唔环保。建议餐厅可以转番堂食碗，环保啲，食客对餐厅嘅观感都会好啲👍🏻
张贴
