囍慶藝廚酒家 (已結業)

珍珠都无咁真，$438两位用，有龙虾伊面，蒸元贝，白灼虾，蒸鱼，炸生蚝，油盐水浸花甲， 乳鸽一只，金银蛋浸菜苗同埋炒饭仲有嘢饮。好夸张，真系好夸张，重要嘅野要讲2次！不过虾系每人2只，蚝1人1只，乳鸽就2个人1只，其实都真心好够食，系未上炒饭个阵我直头叫佢唔好上住，因为怕食唔晒，点知男朋友原来饿鬼爆发，细食人士一定一定唔会食得晒。咁平系咪会觉得d野好差呢，又唔系㖞，d野食好正常㖞真系，同一段酒楼质素无异。突然想食海鲜，又唔想去西贡/鲤鱼门真系可以考虑下㖞。我最钟意系蒸鱼，因为佢蒸嘅火喉好好，时间岩岩好无过熟，肉质好滑。而乳鸽就因为系热辣辣脆卜卜，我个日去到差唔多围围台都食呢个餐，好夸张。