吉豚屋吉列豬扒專門店

营业中

休息中

想食日本野 又唔想食咁贵 依间帮到你某日行经炮台山 见到依间几多打工仔排队帮衬 就收藏左黎打算迟下食 。 咁岩机缘巧合下 就可以试下。入座时间大概2点几， 店内已经过左繁忙时段 所以都有好多位 几空旷。 今次order左「滑蛋猪扒饭配野菜豚肉汤」 跟餐仲有一杯饮料 今次就叫左柑桔柠檬特饮 成个餐都系$59 。 个餐好快送上 饭既份量属于中等合理 女仔黎讲系不多不少 而个汤 第一时间系呆左 因为正常一般跟餐汤是比较细 但依个餐跟既汤 系一个大煲咁既size一开黎睇 完全系真材实料满满既野菜 食饭唔饱 饮汤都饱哂 最紧要系个汤味道几浓 唔会淡而无味。 而个饭 猪扒食落去口感唔输蚀 好好味。 而跟餐饮品- 柑桔柠檬特饮 系浓浓既柑桔味 真材实料又润喉。