泰廚泰國菜館

营业中

休息中

夜晚上完堂后join朋友食泰国菜，入到去劲多人，朋友又揹住支结他，劲唔想搭枱……但唔搭枱要等半个钟先有枱，我哋3个都好肚饿，唯有搭枱啦……我饮过咁多间泰式餐厅嘅龙眼冰，暂时最好饮系哩间，味道唔会太甜，清清哋，好舒服。木瓜沙律同粉丝沙律就无乜特别，但哩两款沙律都只系$1碟！劲抵！因为每满$200可以以$1叫指定4款食物嘅其中一款！我哋本来系想叫生虾，但卖晒。食亲泰国菜必食椰菜苗，无其他原因，情义结来，同马拉盏一齐炒真系好好味！菠萝炒饭虽然我哋哩碟唔同其他客人一样，原只菠萝上，但都无因为咁而味道差咗，仍然好好味，饭每粒都入味，上面劲多肉松，而且配合埋菠萝嘅酸甜味，好开胃，食晒成碟都唔系问题。小食拼盘要咗大嘅，点知真系好大碟……食唔晒……拼盘有鸡同猪串烧，春卷，炸蟹钳等等，都系一啲比较香口嘅小食，但如果你唔系大胃王的话，叫细就够。青咖哩鸡，鸡肉系用鸡柳，咖哩完全唔辣，但有咖哩香味。有咖哩就梗系要配薄饼！薄饼奶油味好重！我劲钟意！不过如果再整得松化啲就仲好味！3个人食咁多嘢，埋单都系4百几蚊，都算抵。