米子燒肉家

营业中

休息中

粉岭中心开咗几间新食肆，今日就同朋友嚟呢间烧肉店试一试佢。因为我哋系平日嘅5:00嚟，所以舖头冇咩人。环境都阔落干净。时间紧迫，我同朋友望一望个餐牌，即刻叫咗美国烧肉盛盒套餐同米子人气牛控套餐。因为对于牛肉嘅gram数冇咩概念，所以就问侍应 100 gram会唔会食唔饱，侍应话好睇你自己本身嘅食量，听完都系冇概念。为咗唔浪费食物，最后都系拣咗100 gram。我个米子人气牛控套餐一上枱，我个心已经流紧泪，望住面前呢六嚿肉，我知道一定食唔饱⋯⋯再加上餐厅5:15截单，即使我想加多100 gram都冇得加。冇办法啦，照食。不过值得一提嘅系，泡菜有惊喜，酸酸甜甜，新鲜，好食。朋友呢个套餐有150 gram牛，但其实对我哋两个来讲都唔系好够食。虽然食唔饱好伤心，但系肉同泡菜都几好食，会再返兜。