彩虹煮意 (已結業)

一间系屯门置乐好唔起眼嘅西餐厅，入面环境唔大得7-8张枱，但劲多人食。当日情人节入去食冇得预约，要现场拎位，最后都要等到6点左右先入到！🔶新鲜加拿大龙虾1/2配扁意粉 $248★★★★☆半边龙虾好大份，仲要几肥美多肉，食落好啖啖肉之余够爽弹，唔系霉哂个啲，味道刚好，有啲芝士烤焗，但又唔会盖哂龙虾本身个海水咸鲜味，有惊喜！另外龙虾钳都好贴心已帮手整开左啲，当然有埋工具俾你。扁意粉入面都仲有啲蟹肉丝好足料，个意粉用茄汁黎煮，稍微有啲唔够浓稠稀身左少少。🔶加拿大保湿猪鞍架 $208★★★★☆猪鞍架好大份，一切开去已有好多肉汁流紧，煮得刚刚好，切开仲系粉色，唔会过熟，食落唔鞋唔韧，又JUICY，真心推荐！肉质几软嫩，猪味浓有适量油脂，越近骨越好食，正！🔶大虾沙律、南瓜汤★★★★☆加钱套餐仲有大虾沙律/南瓜汤。只虾几大只，虾肉结实，虾头仲有膏添。沙律用黑醋汁，做前菜好开胃。南瓜汤好CREAMY浓郁，奶味同南瓜味道比例刚好，饮落好丝滑。🌟总括：价钱超级抵食，即使情人节餐厅都好抵食，两个人都系5百几左右，性价比超高。味道好，份量足，绝对会再黎帮衬！