友利坊 x 友利冰室 x 勿當奴 (已結業)

系荔枝角食过，觉得好唔错，食物有特色之余，装修又够玩味，所以今日系太子见到，都想入黎食多次。同荔枝角一贯涂鸦风壁画随处可见，好有香港特色，餐厅好大，位置宽躺，坐得够舒服。👫小炒二人餐👫$198（配油菜，白饭2碗，老火汤及饮品）🐥豉油无骨鸡🐥豉油鸡好多件，好够食，鸡肉真系一d碎骨都冇，啖啖肉，而且好嫩滑，好入味之余又唔会过咸，店内烧味绝对出色。店内食物材料大部分由外国入口（详情可参考餐牌），所以有质素保证。🐑古法双冬羊腩煲🐑加$60羊腩煲好大煲，有唔少羊腩之余，配菜如枝竹同冬菇都好多，闻落都好香，羊肉唔会膻，平时怕食羊ge人都可以一试，而且够软身又入味，枝竹亦都索哂汤d味，好好𩠌饭，第时天气冻，仲可以买急冻包返屋企翻热食。椒盐烧卖6粒$12炸得外脆肉软，椒盐味够出但唔会过咸。日式炸饺子4只$28饺子亦都炸得好酥脆，配上酱汁十分可口。评语位置方便，坐位舒适食物性价比高，烧味出色🐵推介：🍌🍌🍌🍌🍌（5🍌为满分）📌友利坊 x 友利冰室 x 勿当奴地址: 太子弥敦道750号始创中心地库B1楼B02-06号铺#foodie #美食 #外食 #知己相聚 #foodielife #hkfood