侍元

营业中

休息中

今次喺荃湾西尝试平价拉面，叫咗赤武士地狱拉面，值$62，$20有小食，我就叫了炸鸡同冻饮。食过好多地方拉面，当然价钱方面比好多间平，但性价比如何呢？卖相方面有板有眼，配料跟一般一样，半只温泉蛋、叉烧、木苔丝、葱花，但冇紫菜。基本上每样配料都算可口，不过不失，叉烧虽然冇烧过，但唔算好韧。当然加小食先等于一般出面嘅价钱，所以好似要求冇咁高。炸鸡刚出炉算多汁、脆身，整法比较港式。最大分别喺汤底，汤底的确如其他食评一样，有种偏咸感觉，咸味盖过其他味，饮落去冇特别，甚至钟意饮拉面汤嘅人不讨好，如果想试平价拉面嘅人要考量吓依点。幸好拉面面质有一般水准，面量适中，所以整体感觉冇咁大落差。有则改之，无则加勉。希望贵店谦逊地聆听意见。