雷門鐵板燒放題 (已結業)

星期六晚食价钱好似都系148，价钱吸引，食物都唔错！寿司款式比起其他同区放题比较少，但质素都几好。火灸三文鱼寿司既三文鱼入口即溶，调味料都令到三文鱼好香。花之恋寿司大大旧，蟹子都好多！刺身拼盘都好足料。我地ORDER 20件真系来足20件，刺身都好新鲜。大大块！烟肉火局蚝即叫即火局，味道特别。但系蚝既大小都几大差别，有D大大只，有D就几乎无。但好在呢款蚝可以任叫！炸物就有D失色，应该系一大批炸起，要几多就俾几多你。所以全部炸物都系冻既环境就真系麻麻，地方太细令到我地坐得好唔舒服。我地甘岩有坐正厨房对出，经常有人出出入入。。。。整体来讲，呢间放题绝对食得过，希望下次会有更多款式！