組長日式放題 (已結業)

平时都好少食放题，　但系今日想平平地食餐劲嘅就约左朋友黎组长。咁依个价位我都唔会要求筑地嘅质素，反而佢部分选择系我估唔到放题有得食，以下食物系我比较推介。香煎鹅肝几香口，可惜块包太油。海胆花之恋好足料唔会成口饭。牛舌好腍冇根,encore 左两次。依个锅系送嘅，留意返配料要另外收费。花胶爽脆弹牙，食完刺身饮啖汤暖下胃都好。 烧菠萝一直系我至爱，食左十旧左右，烧完更加香甜多汁。鳗鱼肥美嫩滑又够烟韧,十分推介。刺身未至于好新鲜，但选择多，好surprise竟然有剑鱼。芝士焗扇贝好creamy,个味唔会太假。烧三文鱼头，皮烧得香，满口鱼油香，正！有任饮清酒，梅酒，不过朋友话一般。 食物都ok,未至于样样好食，但系服务好好，完全无溜单，我唔小心倒泻野，有位好瘦扎马尾靓女店员拖完地，仲主动俾纸巾我抹袋，真系唔好意思。