Sweets House Cha Cha

营业中

休息中

Sweets House Cha Cha📍 沙田沙田正街18号新城市广场一期2楼city'super内呢日约咗朋友去沙田新城市广场嘅Paul Lafayet换crème brûlée，经过见到有条短短嘅人龙排紧队，就被吸引咗去睇下有咩好食。原来大家系排紧队买大判烧同雪糕，因为啲烧饼好香，卖相唔错加上价钱实惠，我哋都排队买埋一份。 💰$18吉士 🧇因为我哋会换一人一个crème brûlée，又唔系太肚饿，所以只系拣咗一个大判烧嚟试。佢喺用一个白色纸袋装住，由于系新鲜出炉，所以拎到上手都仲热嘅。去到朋友屋企，我哋用气炸锅整返热佢，皮系香脆嘅，馅料亦都多，店舖话呢款系由日本直送嘅吉士，味道的确唔错。唔知大家去台湾有无食过车轮饼呢？呢个大判烧同佢其实差唔多，不过个人认为车轮饼更香口好味。话虽如此，呢个价钱可以食到味道唔错嘅日本甜点其实都几抵，大家有兴趣可以买个过下口瘾。