影片
更多
2022-08-14
627 浏览
《The Big Things Party - 荃湾》困左喺香港无得出去其他地方都有三年啦🥲所以一到周末就会约下朋友去远少少既离岛或者揾啲小手作做既地方spend 一日当去左旅行🤓而今个weekends，我就约左男朋友到荃湾南丰纱厂呢边行下顺便做下手作☺️当日去到见到好多人带埋佢地既主子一齐出黎玩🤓好热闹，有好多法虎仲有好多哥基大屎忽😍行到咁上下，我同男朋友就打算揾地方坐低饮杯野食个brunch💁🏻♀️纱厂呢边真系好多coffee shop，好多我都好想试😍，可惜男朋友唔好咖啡，又唔想夹硬要佢陪我，所以最后我地简左间喺二楼既餐厅，门面都几光亮，系用半自助型式点餐，可以先到cashier 问店员拎左个QR code 再拣个靓位慢慢落单😅男朋友比较大食，所以我地各人都叫左一个主食再另外加左个望落好靓仔既激厚吉列玉子烧三文治 $58 两个人share☺️主食就简左卡邦尼稻庭乌冬 $78 同埋牛肉汉堡扒太阳蛋黑咖哩饭 $88🥘卡邦尼稻庭乌冬好弹牙，热食既话无得弹😍乌冬上面有好多烟肉，而黑色果啲系煎香左既烟肉粒，好多肉好多肉，肥死啦🫣个卡邦尼白汁算系比厚身果种，浓浓既酱汁挂晒喺乌冬上面巨有满足感😂不
困左喺香港无得出去其他地方都有三年啦🥲所以一到周末就会约下朋友去远少少既离岛或者揾啲小手作做既地方spend 一日当去左旅行🤓而今个weekends，我就约左男朋友到荃湾南丰纱厂呢边行下顺便做下手作☺️当日去到见到好多人带埋佢地既主子一齐出黎玩🤓好热闹，有好多法虎仲有好多哥基大屎忽😍
行到咁上下，我同男朋友就打算揾地方坐低饮杯野食个brunch💁🏻♀️纱厂呢边真系好多coffee shop，好多我都好想试😍，可惜男朋友唔好咖啡，又唔想夹硬要佢陪我，所以最后我地简左间喺二楼既餐厅，门面都几光亮，系用半自助型式点餐，可以先到cashier 问店员拎左个QR code 再拣个靓位慢慢落单😅男朋友比较大食，所以我地各人都叫左一个主食再另外加左个望落好靓仔既激厚吉列玉子烧三文治 $58 两个人share☺️主食就简左卡邦尼稻庭乌冬 $78 同埋牛肉汉堡扒太阳蛋黑咖哩饭 $88🥘
卡邦尼稻庭乌冬好弹牙，热食既话无得弹😍乌冬上面有好多烟肉，而黑色果啲系煎香左既烟肉粒，好多肉好多肉，肥死啦🫣个卡邦尼白汁算系比厚身果种，浓浓既酱汁挂晒喺乌冬上面巨有满足感😂不过好容易会食到成咀都系汁👍🏻钟意食浓味野既一定喜欢
另外一个主食牛肉汉堡扒太阳蛋黑咖哩饭未上到枱已经闻到好香既咖哩味，牛肉汉堡扒都几厚几大块，个太阳蛋煎得刚刚好有脆边，但个蛋心仲识流心既🤓蛋、汉堡扒、饭、咖哩夹埋一齐黎食一流🥰我特别喜欢佢个珍珠饭既质地，烟韧有咬口同埋好吸汁👍🏻
最最最值得食既绝对系个激厚吉列玉子烧三文治🥪$58有四件大大件，吉列玉子偏向甜口味既，脆脆既面包查左牛油，夹住巨厚既吉列玉子烧，一咬落去多重口感，真系又抵食，又好食😋
总括而言，呢间餐厅算系行经济实惠路线☺️我地当日叫既三样野都好好味，大食男朋友话份量都好足够同埋几啱口味😙埋单合共$224男朋友请😜coffee shop 都系留番下次同啱key 既朋友再黎先试啦😉
张贴
