一豊 (已結業)

今日出街行到攰，反到天水围想话食个日本嘢。谂起天耀商场地下有间睇落去好似唔错嘅店（之前夜晚经过见人都多都决定一定要试下）。来到嘅时候已经快一点半，应该过左午餐高峰时间，所以唔需要排队就入左去。一入到去，店内装潢同多数日式料理店差唔多。只有四五台客人。唔知店员系忙定冇睇到有客人到。过左一阵先问几多个（我一个人，同时仲有一对情侣同一位女士等紧系门口位置）。轮到我安排座位，坐低后冇几耐，隔离台对面嘅客人同我讲尼度有人坐。我即时叫做服务员过来帮手重新安排座位。正正坐定后，台面干净，一次性竹筷子，但味碟上有残留饭粒。开始睇食咩。餐牌选择内容唔算太多。午餐套餐内容都丰富，套餐附餐汤、中华海草小食以及黄桃西米露甜品。我叫左set大和牛肉饭➕冻斋啡，剑鱼腩刺身同串烧冬菇。整体卖相okay唔错。色泽过关，口感过关。卖相有，食落口真系喊出来。胡椒落太重手变地狱料理。*使用信用卡者注意，消费未够200蚊唔用得。