魚心日本料理 (已結業)

附近一连有3至4间日本料理餐厅，拣左其中一间入去食lunch。有好多款配搭既lunch set，eg 拉面/咖喱饭配寿司，有汽水，大约$38-$50。另一款系定食/饭，最平$32都有交易，另加$4有汽水。叫左最平既set 拉面配杂锦寿司6件($38)，滑蛋鸡肉饭($32，另加$4汽水)。𩠌菜上枱，同餐牌既相一模一样，份量足。$38有咁多野食，比隔离日本餐厅既lunch set平至少$8。拉面软硬适中，比平时食既一碗拉面份量仲要多dd，有粟米，海藻，鱼糕(拉面平时有既个块白色鱼糕，唔知叫咩名)。d海藻好好食，硬硬地有口感，汤底唔咸。杂锦寿司有6件，有3款口味，分别系芝士炙三文鱼，芥茉蟹子，甜虾。芥茉蟹子最有惊喜，初时见到绿色既蟹子，以为色素，见到墙上既介绍餐牌，先知系芥茉，食落口唔似平时会刺鼻，但feel到系芥茉，唔错。甜虾同三文鱼就循规蹈矩。6件寿司加拉面都只系$38，睇餐牌个阵都o左嘴，但质素系中等，唔系差，good，抵食平价寿司。滑蛋鸡肉饭就普普通通，鸡肉份量多，饭既size系够男仔食。见到其他人叫咖喱饭配寿司，咖哩饭既饭量就真系少左d啦，应该冇1碗，不过冇试，唔知d咖哩好唔好食。