龍鳳祥餃子館 (已結業)

附近买完游戏机见肚饿就梗系要揾野食，平得黎又唔洗逼第一时间念到就系西九龙。上左自动电梯就见到依间野。7点多8点啦，都有的人排队，见到的野食样子唔错又唔贵，得以一试。今次3个人，叫左一个口水鸡，一个炸酱捞面，一个麻酱冷面，十只汤饺，十只煎饺，再追加一碗酸辣汤同5只素菜饺，分量好足，唔似人地个的碗大份量小。面食味道唔太浓，值得一赞既系个汤饺，叫左个牛肉汤底，附上几粒牛肉，个汤底好香，好似台湾牛肉面个的咁，可惜今次系叫汤饺，如果配面应该会更正，下次要再试。