新越越式料理 (已搬遷) 新店位置

系九展睇完戏行行下肚饿，见到呢间越南野几吸引就入左去试下。餐厅食身贵精不贵多，主打汤粉、海南鸡等等，睇落都几正宗。厨房为开放式，装潢都几光猛。食物方面叫左火车头汤河、香茅猪排捞檬同牛油鸡翼。火车头份量十足，好大碗，配料充足，有生牛肉、牛丸、牛筋腩、牛柏叶，亦有小小炸干葱吊吊味，牛肉汤底好清甜，食完不会口渴，应该无落味精淆际，而且份量好多，2个人share都无问题。猪排捞檬酸酸甜甜，有生菜丝花生碎加添口感，炭烤猪排烧得好香脆，香茅味亦好出。牛油鸡翼炸得好脆，有淡淡牛油味，可惜肉就无咩味，腌得唔够入味最后仲叫左珍多冰及青柠梳打，珍多冰椰汁好浓推介！整体黎讲食物性价比不错，汤粉比较出色