Hungry Korean (亞士厘道)

营业中

休息中

朋友话韩国餐厅必去hungry korean, 而且系openrice得奖餐厅，对韩国食物情有独钟既我当然要试下。餐厅门口大排长龙，等左二十分钟终于有位入得。去柜台叫野食后好快就会有侍应送上，尚算唔错。韩式炒粉丝个人几钟意食韩式粉丝，觉得都唔错，几香口。不过略嫌太咸，而且蒜蓉味太重，食完口有余韵系事实。甜辣鸡翼推介!!鸡翼煮得好滑好林，而且个甜辣酱好食，唔太辣又够香，非常韩式。同朋友一人两只都唔够，决定加码整多碟!正!韩式寿司分别叫左芝士同鱿鱼，好正好足料，食落去每件每啖都有泡菜萝卜既味道，芝士口感特别丰富。石头锅牛肉饭牛肉几好食，但石头锅饭唔太特别，无咩惊喜，而且太少牛肉。早知叫多两碟小食试下味，下次再黎会试铁板烧配饭，应该会吸引。牛奶抹茶推介：) Hungry korean一向系走平价高档路线，野食虽然平但就出乎意料既好质素，绝对值得一试！