農民泰菜 (已結業)

平日都好常去好运中心果头食野，但平日都净系见到海皇粥店、吉野家之类既食店，估唔到行入商场小小，就有间野食泰国菜，价钱好亲民，选择又几多，仲要唔洗等位，就好快坐低左。餐厅格局都几特别，有d似快餐店既形式，自己坐低，买飞之后就去出餐位拎食物。环境方面就真系几光猛同埋阔落，唔洗好似其他快餐店咁咁逼，可以同朋友舒舒服服咁坐住食野倾计。虽然话系泰国菜啦，但都有唔少其他菜式选择，港式炒饭面、卤蛋猪手、火锅都有得拣，同朋友可以各自嗌想食既野。青咖哩猪颈肉饭，片片猪颈肉薄切得黎烧得几到位，肉质几瘦，青咖哩酱稀稀地，几重椰奶味，捞埋饭食几开胃。海南鸡几嫩滑同埋都足料。龙眼冰就淡淡地，但岩岩好可以中和同比较浓味既冬阴功同咖哩，龙眼肉亦够多。