東大門韓國料理 (已結業)

上次来东大门已经有差唔多年几前，当时印象都唔错，今日再来，感觉依旧，最值得赞依然系佢地烧烤炉，设计抽风良好，食完一啲都唔臭，话哂我地山长水远坐车番屋企好尴尬嘅。餐牌上烧物选项唔算多，基本款式有齐，例如猪、牛、羊、鸡肉、鸡翼、肥牛卷、猪排骨、五花腩等。虽然主打韩烧，但一样有自助区供应泰、日料理，例如炸物、冬荫公、三文鱼刺身、寿司等，全部自取。个人认为牛肋条、鸡翼同原条五花腩比较好食虽然预先腌过，但冇过份重口味。五花腩原条，都厚身，而且有生菜任食，包肉食冇咁腻。最后拎左一碟西瓜食，去油腻啊；临尾食左碗南瓜露，味道比想像中好，里面除左南瓜肉，仲有芋头，又几香甜