潮膳 (已結業)

环境4分：新开餐厅地方光猛企埋，Ｄ位算ＯＫ好坐，又唔会密麻麻，可以畀四分。卫生4分：中间斩料厨房望落都几干净，阿叔两只手带晒手套，感觉都好卫生。服务5分：阿姐就好似生手左Ｄ，但系最话得事位哥仔就又勤力又好客，发现落错单仲即刻换嘢食，仲客气到加送左碟佢家乡先有嘅五仁豆腐，唔比满分都对人地唔住。味道4分：1)      十八蚊碟灼菜心都好脆又唔油。2)      卤水猪肚完全唔呷，而且好爽，双拼豆腐同垫底𠮶Ｄ芽菜都入晒味。3)      蚝仔烙又软又淋又香口。4)      例牌卤水鹅片块块都系真材鹅片，个皮够软滑，Ｄ肉都好肉地。5)      送嘅五仁豆腐就最好味，个皮好似年糕咁弹，个心就嫩滑到呢，加埋淋面Ｄ五仁又脆又甜，一定要食！抵食4分：堂食唔使加一，双拼只需加十蚊，二百几够饱肚又有甜品送，可以畀四分。