聯興潮州飯店

营业中

休息中

好多人都话，每个街市嘅熟食中心，都最少起码有一间好好食嘅食肆，而喺上环街市(即系上环文娱中心上面𠮶度)，当然亦唔会例外。除咗𠮶间由伯伯开嘅玉泉玻璃樽冻奶茶之外，呢间潮州野亦不得了。我最钟意食佢嘅虾枣蟹枣；佢嘅炸凤尾鱼的确一流，可惜可遇不可求；而豉油王鹅肠都系好好食，只系有时嫌只鹅太肥太多脂肪；另外，夏天最钟意黎，因为佢有好多潮州舖都唔肯花功夫整嘅薄壳，洗薄壳真系好花功夫同时间架；另一绝就系佢嘅沙嗲牛河，个沙嗲汁真系好正，必食；讲到最后，亦都要讲重点，就系帮衬呢间野必须出去睇下今日有d乜野靓，如果你只坐低跟菜牌叫，咁就出事嘞，唔系唔好食，只系会变成好普通好普通嘅叫𩠌食饭。